Çin Ukraynadakı vəziyyətin nizamlanması üçün istənilən səyləri dəstəkləyir

Çin Ər-Riyadda ABŞ-Rusiya danışıqları da daxil olmaqla, Ukraynada sülhə nail olmaq səylərini dəstəkləyir.

 

Oxu24.com xəbər verir  ki,  xəbər verir ki, bu barədə Çin Xalq Respublikası Xarici İşlər Nazirliyinin rəsmi nümayəndəsi Quo Jiakun bildirib.

 

Diplomat qeyd edib ki, bütün digər maraqlı tərəflər Ukrayna münaqişəsinin nizamlanması üzrə danışıqlara vaxtında qoşula biləcəklər.

 

Quo Jiakun əlavə edib ki, Çin həmişə danışıqları böhranın həlli üçün yeganə əlverişli yol hesab edib.

 

ABŞ və Rusiya nümayəndələri arasında danışıqlar fevralın 18-də Ər-Riyadda başlayıb.

 

Fevralın 12-də Rusiya və ABŞ prezidentləri Vladimir Putin və Donald Tramp arasında təxminən saat yarım davam edən telefon danışığı olub. Söhbət zamanı liderlər Ukraynada hərbi əməliyyatların dayandırılmasının zəruriliyini müzakirə ediblər və münaqişənin həlli üçün dərhal danışıqlara başlamaq barədə razılığa gəliblər. Tramp daha sonra Səudiyyə Ərəbistanında Putinlə şəxsən görüşməyi planlaşdırdığını açıqlayıb.

 

Fevralın 17-də Rusiya prezidentinin köməkçisi Yuri Uşakov və xarici işlər naziri Sergey Lavrov ABŞ nümayəndələri ilə dialoq aparmaq üçün Səudiyyə Ərəbistanının paytaxtı Ər-Riyada gediblər. Görüş çərşənbə axşamı baş tutacaq. 

 

Nigar