2029-cu ilə qədər HİV-ə yoluxma halları altı dəfə arta bilər

Birləşmiş Millətlər Təşkilatının İİV/QİÇS üzrə Birgə Proqramının (UNAIDS) baş direktoru Vinni Byanyima bildirib ki, ABŞ bu virusa maliyyə dəstəyini dayandırarsa, 2029-cu ilə qədər insanın immunçatışmazlığı virusuna yoluxma halları altı dəfə arta bilər.

 

Oxu24.com bu barədə ABC News -a istinadən xəbər verir.

 

“Biz bu xəstəlikdə artım görəcəyik. Amerika hökuməti fikrini dəyişməsə və liderliyini saxlamasa, bu, [milyonlarla] insanın həyatına başa gələcək”, - Byanyima bildirib.

 

O, yeni HİV-ə yoluxmaların sayının 2029-cu ilə qədər 8,7 milyona çata biləcəyini söyləyib.

 

O, ABŞ prezidenti Donald Tramp administrasiyasından AİDS-in ən çox vurduğu Afrika ölkələrində “çaxnaşma və çaşqınlığa” səbəb olduğu üçün maliyyəni birdən-birə dayandırmamağı xahiş etdiyini bildirib.

 

Yanvar ayında ABŞ-ın dövlət katibi Marko Rubio əksər xarici yardım proqramlarının dayandırılması barədə göstəriş verib.

 

Sərəncam, ilk növbədə Afrikada HİV-ə yoluxmuş insanların müayinəsi və müalicəsi üçün vəsait ayıran Amerikanın QİÇS-ə Yardım üçün Təcili Yardım Planına da təsir etdi. Son illərdə proqrama hər il təxminən 5 milyard dollar vəsait daxil olub.

 

Miri