Rusiya və İndoneziya milli valyutalarda qarşılıqlı hesablaşmaların mümkünlüyünü müzakirə edirlər

Rusiya və İndoneziya milli valyutalarda qarşılıqlı hesablaşmaların həyata keçirilməsi imkanlarını fəal şəkildə müzakirə edir.

Oxu24.com xəbər verir  ki, bu barədə Rusiyanın İndoneziyadakı səfiri Sergey Tolçenov İndoneziyanın “Jakarta Globe” nəşrinə müsahibəsində danışıb.

“Rusiyanın SWIFT-dən ayrılması ilə ABŞ dolları ilə maliyyə hesablaşmaları çətinləşib. Ona görə də biz milli valyutalardan istifadənin alternativ yollarını tapmalıyıq. “Rusiya və İndoneziya maliyyə institutları bunun üzərində işləyir”, - Tolçenov qeyd edib.

Kreml bu sövdələşmənin həyata keçirilməsi üçün hələlik konkret vaxt çərçivəsi təyin etməyib. Rusiyanın İndoneziyadakı səfiri vurğulayıb ki, ən mühüm məsələ hər iki ölkə üçün qarşılıqlı faydalı həll yollarının tapılmasıdır.

Bundan əlavə, Tolçenov özəl sektoru müzakirədə iştirak etməyə çağırıb.

Səfir BRİKS-in de-dollarizasiya proqramı ilə bağlı da fikirlərini bildirib. Səfir hesab edir ki, hazırda alyans yeni valyuta yaratmaqdansa, milli valyutaların təşviqinə yönəlib.

Nəşr qeyd edir ki, İndoneziyanın Yaponiya, Çin, eləcə də Malayziya və Tailand ilə ticarətdə artıq milli valyutadan istifadə təcrübəsi var.

 

Miri