Rusiyanın xarici işlər naziri Sergey Lavrov “Mayak” radiosuna verdiyi şərhdə bildirib ki, Rusiya və İran arasında hərtərəfli strateji tərəfdaşlıq haqqında saziş bərabərhüquqlu ölkələr arasında münasibətlərin nümunəsidir.

"O, suveren bərabərhüquqlu dövlətlər arasında münasibətlərin necə qurulacağına dair nümunə göstərir", deyə diplomat bildirib.

Yanvarın 17-də Kremldə Rusiya prezidenti Vladimir Putinlə İran prezidenti Məsud Pezeşkian arasında danışıqlar olub. Görüş zamanı Rusiya lideri qeyd edib ki, Rusiya ilə İran arasında turist mübadiləsi 20%-dən çox artıb. Putin əlavə edib ki, ölkələr humanitar əməkdaşlığı inkişaf etdirir.

Danışıqlar zamanı İran lideri ümidvar olduğunu bildirib ki, hazırkı danışıqlar İslam Respublikasında atom elektrik stansiyasının tikintisinə dair razılaşmaların tamamlanmasına imkan verəcək. Görüşdən sonra iki ölkə liderləri Rusiya və İran arasında Hərtərəfli Strateji Tərəfdaşlıq haqqında yeni Müqavilə imzalayıblar.

Bundan əvvəl Avropa İttifaqı İran prezidentinin Rusiyaya səfərinə cavab verib.

Nigar