Kaliforniyada dünyanın ən böyük elektrik stansiyası yanıb

Dünyanın ən böyük akkumulyator elektrik stansiyalarından biri Kaliforniyada yanmağa başlayıb.

Oxu24.com xəbər verir  ki, bu barədə Forbes yazır.

Litium batareyaları saxlayan stansiya Monterey qraflığının Moss Landing şəhərində yerləşir.

Bölgənin səkkiz rayonunda evakuasiya elan edilib. Sakinlərə pəncərə və qapıları bağlamaq, havalandırma sistemlərini söndürmək tövsiyə olunur. Hazırda yanğının səbəbi məlum deyil.

Yanvarın 7-də ABŞ-ın Los-Anceles şəhərində güclü meşə yanğınları başladı, ilk olaraq Sakit Okean Palisades sahil bölgəsi əziyyət çəkdi, ardınca daha bir neçə yanğın baş verdi. Vəziyyəti qasırğalı küləklər çətinləşdirib, yanğının söndürülməsinə yanğın hidrantlarında su çatışmazlığı da mane olub. 180 minə yaxın insan evlərini tərk etmək məcburiyyətində qaldı, minlərlə bina yandı. Bir çox Hollivud məşhurları evlərini itirib. “AccuWeather” hava monitorinq xidmətinin məlumatına görə, ABŞ-ın Kaliforniya ştatında yanğınların vurduğu zərər ilkin olaraq 250-275 milyard dollara yüksəlib.

 

Miri