Peruda polis helikopteri qəzaya uğradı -VİDEO

Perunun şimalındakı Amazonas bölgəsində polis helikopteri eniş edərkən qəzaya uğrayıb.

 Oxu24.com  xəbər verir ki, bu barədə ölkənin Müdafiə Nazirliyi "X" sosial şəbəkəsində məlumat yayıb.

Bildirilir ki, hadisə nəticəsində 11 nəfər xəsarət alıb. 

"Yaralılardan 8-i polis təyyarəsi ilə, qalan 3-ü isə Peru ordusunun təyyarəsi ilə xəstəxanaya çatdırılıb", - məlumatda qeyd olunub. 

Peru polisinin mətbuat xidməti aydınlaşdırıb ki, təcili eniş qanunsuz mədən iştirakçılarına qarşı əməliyyat zamanı baş verib. İdarənin nümayəndələrinin sözlərinə görə, pilotların məharəti sərnişinlərə və ekipaj üzvlərinə ciddi xəsarətlərdən qaçmağa imkan verib.

Gülayə Mecid