Rusiya Qazaxıstanla iki sərhəd-keçid məntəqəsini müvəqqəti bağlayacaq

Qazaxıstanla sərhəddə iki keçid məntəqəsi müvəqqəti bağlanacaq.

Oxu24.com xəbər verir  ki,  bu barədə Rosqranstroy-un mətbuat xidməti məlumat yayıb.

Söhbət Orenburq vilayətindəki Orsk və Maştakovo avtomobil keçid məntəqələrindən gedir.

“2025-ci il fevralın 1-dən etibarən Orsk və Maştakovo avtomobil buraxılış məntəqələrindən nəqliyyat vasitələrinin və yüklərin keçidi müvəqqəti olaraq dayandırılacaq”, - məlumatda deyilir.

Qeyd olunur ki, buna səbəb “Alimbet” və “Sırım” keçid məntəqələrinin planlı təmirə bağlanması olub. Qazaxıstan işin 16 aya qədər davam edəcəyinə aydınlıq gətirib.

Bundan əvvəl Polşanın baş naziri Donald Tusk Lvovda Ukrayna prezidenti Vladimir Zelenski ilə görüşündən sonra Polşa və Ukraynanın yaxın günlərdə yeni sərhəd-keçid məntəqəsini açacağını açıqlamışdı.

 

Nigar