Trampın kürəkəni Albaniya kurortuna 1,4 milyard dollar sərmayə qoyub

ABŞ-ın yeni seçilmiş prezidenti Donald Trampın kürəkəni Jared Kushner Albaniyada 1,4 milyard dollara lüks kurort tikəcək.

Oxu24.com xəbər verir  ki, bu barədə   Bloomberg yazır.

Kurort 5,6 kvadratmetr ərazini əhatə edir.  Albaniyanın cənubunda İon dənizindəki Sazan adasında tikiləcək. Baş nazir Edi Ramanın sədrliyi ilə Albaniya Nazirlər Kabinetinin Strateji İnvestisiyalar üzrə Komitəsi Donald Trampın andiçmə mərasiminə bir neçə gün qalmış, yanvarın 15-də sazişi təsdiqləyib. Layihə indi ekoloji qiymətləndirmədən keçməlidir. Bununla belə, Albaniya hökuməti tərəfindən müəyyən edilmiş şərtlər pozularsa, onun həyata keçirilməsinə dair təsdiq ləğv edilə bilər.

2024-cü ildə Albaniyaya 11,7 milyon xarici turist gəlib.

Bundan əvvəl Trampın kürəkəninin prezidentlik kampaniyası üçün potensial donorlar axtardığı bildirilirdi.

ABŞ-da prezident seçkiləri noyabrın 5-də keçirilib. Bu posta Demokratlar Partiyasının namizədi Kamala Harris və Respublikaçılar Partiyasının nümayəndəsi Donald Tramp mübarizə aparıb. Qələbə qazanmaq üçün siyasətçilərdən biri ən azı 270 seçici səsini toplamalı idi. Tramp 312, Harris isə 226 səs toplayıb.

ABŞ-ın 47-ci prezidentinin andiçmə mərasimi 2025-ci il yanvarın 20-də baş tutacaq.

Qeyd edək ki, bir müddət əvvəl Tramp ABŞ-ın Fransadakı səfiri vəzifəsinə özünün dəstgahçısı Çarlz Kuşnerin namizədliyini irəli sürüb.

 

Miri