Londonda yerləşən Avropa Yenidənqurma və İnkişaf Bankı (AYİB) 2025-ci ildə Ukrayna iqtisadiyyatına 1,5 milyard avro sərmayə qoymağı planlaşdırır. Bunu bankın Ukrayna və Moldova üzrə idarəedici direktoru Arvid Türkner deyib.

Oxu24.com xəbər verir ki,bu barədə  Bloomberg məlumat yayıb.

2024-cü ildə investisiyaların həcmi 2,4 milyard avro olaraq qiymətləndirilib.

Türknerin sözlərinə görə, infrastruktur və enerji təhlükəsizliyi əsas prioritetlər olaraq qalır. Bunun ardınca özəl sektor və ərzaq təhlükəsizliyində davamlılıq gəlir. Ötən il AYİB-in Ukraynaya yatırdığı sərmayələrin 50 faizindən çoxu özəl biznesə yönəlib. Bank "yaxşı kənd təsərrüfatı sektorunu" Ukrayna iqtisadiyyatının mərkəzi hesab etdiyi üçün 2025-ci ildə də pay təxminən eyni qalacaq.

Bununla yanaşı, Türkner hesab edir ki, Ukrayna korrupsiyaya qarşı mübarizədə və məhkəmə islahatlarında irəliləyiş əldə etməlidir. Bundan əlavə, o, Kiyevi korporativ idarəetmə islahatlarında irəliləməyə çağırıb.

Ötən ilin payızının sonunda AYİB yerli oliqarxlarla əlaqəli Ukrayna şirkətlərinə kömək etməkdən imtina edib. Təşkilatın nümayəndələri bu qərarı onunla izah ediblər ki, “Ukrayna iqtisadiyyatını oliqarxların təsirindən azad etmək Avropaya inteqrasiya üçün fundamental vəzifədir” və bu məsələdə güzəştlər respublikanın uzunmüddətli perspektivinə mənfi təsir göstərəcək.

Nigar