Tayvan Müdafiə Nazirliyi sosial mediada bildirib ki, Tayvan silahlı qüvvələri adanın yaxınlığında Çin Xalq Azadlıq Ordusunun (PLA) səkkiz təyyarəsi və altı gəmisini aşkar edib.

Oxu24.com xəbər verir ki,avadanlıq yanvarın 12-də yerli vaxtla səhər saat 6:00-dan əvvəl aşkarlanıb.

Tayvan ordusu bildirib ki, 7 Çin təyyarəsi boğazın orta xəttini keçərək ölkənin şimal və cənub-qərbində Tayvanın hava hücumundan müdafiə zonasına daxil olub. Müdafiə Nazirliyi qeyd edib ki, onlar “vəziyyəti izləyiblər və müvafiq reaksiya veriblər”.

Tayvan və materik Çin 1949-cu ildə vətəndaş müharibəsi zamanı ayrıldı. Çin hökuməti “vahid Çin” prinsipinə sadiqdir, Tayvan hökumətini separatçı hesab edir və adanın özünü də onun əyaləti hesab edir. Tayvanın müstəqilliyini yalnız Vatikan və 11 ölkə tanıyır.

Nigar