Əsəd bir neçə gün Putinlə əlaqə saxlamağa çalışıb

Rusiya Suriyanın devrilmiş prezidenti Bəşər Əsədin Hələbin süqutundan sonra İranın Suriya ordusuna hərbi yardımı çatdırmaq üçün Xmeymim aviabazasından istifadə etmək xahişlərinə cavab vermədi və Əsəd qaçmazdan əvvəl bir neçə gün prezident Vladimir Putinlə əlaqə saxlaya bilmədi.

Oxu24.com xəbər verir  ki,Əsədin keçmiş sözçüsü Kamel Sakr Əl Ərəbiyyə telekanalının Mazej podkastına verdiyi açıqlamada bildirib.

Sakrın sözlərinə görə, keçmiş Suriya prezidenti rusiyalı həmkarı ilə bir neçə dəfə əlaqə saxlamaq istəyəndə özünü “təcrid olunmuş və tək” hiss edib. Onun cəhdləri dekabrın 4-ü çərşənbə günündən dekabrın 5-nə kimi davam edib. Dekabrın 8-də üsyançılar Dəməşqi tutdular, Əsəd rejimi süqut etdi və o, ölkədən Rusiyaya qaçdı və orada sığınacaq aldı.

Sakr iddia edir ki, Putinlə əlaqə saxlamaq cəhdləri uğursuzluğa düçar olduqdan sonra Əsəd Rusiya prezidentinin Suriya üzrə xüsusi nümayəndəsi Aleksandr Lavrentyevə zəng edərək ondan dövlət başçısı ilə əlaqə saxlamağı xahiş edib. Lavrentyev ona cavab verdi ki, prezident hazırda Belarusda səfərdədir və zəng edə bilməz. Putin dekabrın 6-da respublikaya işgüzar səfər edib.

Əsədin keçmiş sözçüsü dekabrın 5-i cümə axşamı televiziyada çıxış etmək istədiyini bildirib. O, "təxminən 400 sözdən ibarət" çıxış hazırlamışdı və "çox əsəbi idi". Lakin eks-prezident çıxışını əvvəlcə cümə gününə, sonra isə şənbə gününə təxirə salıb. Suriyanı tərk etməzdən əvvəl son saatlarda onu tamamilə ləğv etmək qərarına gəldi.

Sakrın sözlərinə görə, dekabrın 8-də gecə yarısından sonra Əsəd prezident sarayında Rusiya hərbi attaşesini qəbul edib və ona ölkəni tərk etməyə kömək edib. Əvvəlcə Dəməşq hava limanına, sonra Xmeymim hava limanına və Latakiyadakı Rusiya bazasına, oradan da Rusiyaya aparılıb.

Onu daşıyan təyyarə mühafizə altına alınana qədər o, Xmeymim hava limanında bir neçə saat keçirib.

 

Nigar