Danimarka Qrenlandiyadakı Tramp komandasına mesaj göndərir

Danimarka hökuməti ABŞ-ın seçilmiş prezidenti Donald Trampın komandasına şəxsi mesajlar göndərərək onu inandırmağa çalışıb ki, Qrenlandiyanın təhlükəsizlik problemləri adanın ABŞ-ın tərkibinə daxil edilmədən həll oluna bilər.

Oxu24.com xəbər verir ki,bu barədə Axios mənbələrə istinadən məlumat yayıb.

Onlar iddia edirlər ki, Kopenhagen Vaşinqtonla adanın təhlükəsizliyinin gücləndirilməsi və ya orada Amerika hərbi mövcudluğunun artırılması imkanlarını müzakirə etməyə hazır olduğunu bildirib.

Yanvarın 7-də Tramp deyib ki, Qrenlandiya ABŞ-ın bir hissəsi olmalıdır, çünki o, milli təhlükəsizlik və “azad dünyanın” qorunması üçün strateji əhəmiyyət kəsb edir, o cümlədən Çin və Rusiya.

Trampın sözlərinə görə, adada yaşayan 45 000-ə yaxın insan var ki, onların özləri də Danimarkanın əraziyə qanuni olaraq sahib olub-olmadığını bilmirlər.

Bundan əvvəl “The Washington Post” yazıb ki, Trampın Qrenlandiya və Kanadanın ilhaqı, habelə Panama kanalına nəzarət barədə bəyanatları Rusiya və Çinə qarşı daha geniş strategiyanın tərkib hissəsidir. Nəşrin yazdığına görə, seçilmiş lider Qrenlandiyanı ələ keçirmək barədə fikirləşib, Panama kanalının Amerikanın nəzarətinə qaytarılması barədə “ucadan danışıb” və Kanadanın 51-ci dövlət olmasını təklif edib.

Bundan əvvəl Trampın Qrenlandiyanı alması Rusiya üçün təhlükə kimi dəyərləndirilirdi.

 

Nigar