ABŞ-lı generaldan açıqlama

ABŞ-ın keçmiş milli təhlükəsizlik müşaviri general Herbert Makmaster deyib ki, “Oreşnik” raketini ələ keçirə biləcək hava hücumundan müdafiə sisteminin yaradılması ən azı 15 il çəkəcək.

Onun sözlərinə görə, ABŞ ordusunun THAAD və Aegis sistemləri Oreşnikə qarşı mübarizədə istifadə edilə bilməz. O əlavə edib ki, onların da yaxın 15 il ərzində tələb olunan etibarlılığa nail olma ehtimalı azdır.

O, həmçinin əlavə edib ki, Oreşnik Ukraynadakı silahlı münaqişədə oyun qaydalarını dəyişib.

Dekabrın 28-də Almaniyanın “Bild” nəşri yazıb ki, Almaniya Xarici İşlər Nazirliyinin Almaniyanın hava hücumundan müdafiə sistemlərinin Rusiyanın “Oreşnik” raket sisteminə qarşı durmaq qabiliyyətinə dair məxfi hesabatı almanlar üçün şok olub. Məlum olub ki, Almaniyanın hava hücumundan müdafiə sistemləri ölkəni Oreşnik zərbələrindən qorumağa qadir deyil.

Bundan əvvəl Putin Oreşnikin gücünü meteoritlə müqayisə edib.

 

Nigar