ABŞ bir sıra Rusiya bankları ilə əməliyyatlar üçün lisenziyaların müddətini uzadıb

ABŞ enerji sektorunda bir sıra Rusiya bankları ilə maliyyə əməliyyatları aparmağa imkan verən ümumi lisenziyanın müddətini 2025-ci il martın 12-dək uzadıb.

Oxu24.com xəbər verir ki,bu barədə ABŞ Maliyyə Nazirliyinin saytında dərc olunmuş sənəddə deyilir.

O, qeyd edir ki, sözügedən əməliyyatlar “energetika sektoru ilə bağlı əməliyyatları tamamlamaq üçün adətən zəruri olan” əməliyyatlardır.

Lisenziya əvvəlcə ABŞ Prezidentinin 14024 saylı Sərəncamına əsasən təqdim edilmişdir. O, neft, təbii qaz, kömür və bioyanacaq kimi enerji ehtiyatlarının hasilatı, emalı, daşınması və satışı ilə bağlı əməliyyatlara imkan verir.

ABŞ həmçinin bəzi Rusiya bankları ilə mülki nüvə layihələrinə xidmət göstərmək üçün maliyyə əməliyyatlarına icazə verən ümumi lisenziyanın müddətini bu ilin noyabrın 21-dək uzadıb.

Lisenziya 21 noyabr 2024-cü il tarixindən əvvəl başlanmış bu cür layihələrlə bağlı əməliyyatlara icazə verir. Lisenziya məhdudiyyətlərinə Macarıstanda Paks II atom elektrik stansiyasının tikintisi kimi bir sıra fərdi layihələrlə bağlı əməliyyatların, habelə Rusiya Mərkəzi Bankı, Milli Rifah Fondu və Rusiya Federasiyasının Müdafiə Nazirliyi üçün debet əməliyyatlarının istisna edilməsi daxildir.

Bundan əvvəl ABŞ-ın sanksiyalarının Rusiya ilə BƏƏ arasındakı ödənişlərə təsir etdiyi bildirilirdi.

 

Nigar