Qrenlandiyanı əldə etmək ABŞ-ın yeni seçilmiş prezidenti Donald Tramp üçün pis sövdələşmə olardı, çünki Birləşmiş Ştatlar artıq adadan istədiyi hər şeyi alır.

Oxu24.com  xəbər verir ki,bu barədə “Politico” yazır.

Müəlliflər qeyd edirlər ki, Donald Tramp nə istədiyinə diqqətli olmalıdır, çünki indi Danimarka keçmiş müstəmləkəsinin xarici siyasətinə və təhlükəsizliyinə nəzarət etməlidir. Kopenhagen adanın büdcəsinin təxminən yarısını ödəyir.

“Qrenlandiyanın satın alınması və ya zorla alınması əslində Vaşinqtonun perspektivlərini yaxşılaşdırmayacaq. ABŞ-ın Qrenlandiyada üç əsas məqsədi var və bu günə qədər onlara uğurla nail olunub”, - məqalədə deyilir.

Birincisi, Pituffik Kosmik Baza (əvvəllər Thule Hava Bazası kimi tanınır) Arktika bölgəsi üzərində erkən xəbərdarlıq sistemləri və hava qüvvələri üçün mühüm hərbi obyektdir. Danimarka həmçinin təhlükəsizlik problemlərini əsas gətirərək, ABŞ-ın təzyiqi altında Çin dövlət şirkətinə adada üç hava limanı layihəsi hazırlamağı qadağan edib.

Bundan əvvəl Danimarkanın baş naziri Mette Frederiksen Donald Trampın Qrenlandiyanın Danimarka yurisdiksiyasında olması ilə bağlı sözlərindən sonra əlaqə saxladığını və danışmağı təklif etdiyini bildirmişdi.

Nigar