Polşa Netanyahuya icazə verdi

Polşa hökuməti Beynəlxalq Cinayət Məhkəməsinin (ICC) qərarına baxmayaraq, İsrailin baş naziri Binyamin Netanyahuya Osvensim həbs düşərgəsinin azad edilməsinin 80-ci ildönümü ilə bağlı anım tədbirlərində iştirak etməyə icazə verib.

Oxu24.com xəbər verir ki, bu barədə ölkənin baş naziri Donald Tusk məlumat verib.

"Polşa Respublikası Hökuməti bəyan edir ki, o, İsrail Dövlətinin yüksək vəzifəli nümayəndələri üçün Auşvits-Birkenau konsentrasiya düşərgəsinin azad edilməsinin 80-ci ildönümü ilə əlaqədar tədbirə sərbəst və təhlükəsiz girişi və iştirakını təmin edəcək", - o bildirib. 

Onun sözlərinə görə, Netanyahunun Polşaya səfəri “incə məsələ” olub. Varşava yüksək rütbəli qonaqların təhlükəsizliyinə zəmanət verməyə borcludur, lakin o, İsrailin baş nazirinin həbsinə order verən ICC-nin üzvüdür, Donald Tusk izah etdi. Lakin Polşa prezidenti Anjey Dudanın müvafiq müraciətindən və hökumət daxilində aparılan müzakirələrdən sonra Netanyahuya bu mühüm tədbirlərdə iştiraka icazə verilməsi qərara alınıb.

Bundan əvvəl Serbiya prezidenti Aleksandr Vuçiç Rusiyanı Osvensim şəhərinin azad edilməsinin 80 illiyinə dəvət etməkdən imtinanı pisləyib. Onun sözlərinə görə, ölüm düşərgəsi məhbuslarını azad edənlərin anım tədbirlərində təmsil olunmaması çox qəribədir.

 

Nigar