Ukraynalı futbolçunun rus sevgilisini görün kim “oğurlayıb” -FOTOFAKT

“Yuventus”un amerikalı yarımmüdafiəçisi Ueston Makkenni və rusiyalı bloger Violetta Qraçeva sosial şəbəkələrdə əsl səs-küyə səbəb olub.

OXU24.COM xəbər verir ki, məşhur xizək kurortu olan “Courchevel”də birgə tətildən sonra onların münasibətlərinin yeni təsdiqi ortaya çıxıb.

Violetta “İnstaqram” hekayəsində futbolçunun romantik jestinin fotosunu paylaşıb. Nahar zamanı aldığı kartda “Zövq al, balam. Sevgi, Ueston. Milad bayramı mübarək”, – deyə qeyd olunub.

O, göndərənin adını gizlətsə də, diqqətli azarkeşlər amerikalı futbolçunun əl yazısını dərhal tanıyıblar.

Qeyd edək ki, Vestonla Violettanın münasibətləri ilə bağlı söz-söhbətlər ötən ilin oktyabrında yayılmağa başlayıb. Sonra sosial şəbəkələrdə bir-birlərinin paylaşımlarını fəal şəkildə bəyəniblər və şərh mübadiləsi aparıblar.

Xatırladaq ki, daha əvvəl Qraçeva dopinq qalmaqalına görə cəzalandırılan Mudriklə sevgili olub. Şayiələrə baxmayaraq, cütlük heç vaxt münasibətlərini rəsmi olaraq təsdiqləməyib.