ABŞ-ın müdafiə naziri Lloyd Ostin ABŞ-ın hazırkı prezidenti Co Baydenin administrasiyasının gedişindən əvvəl hələlik Ukraynaya səfər planlaşdırmayıb.

Oxu24.com xəbər verir  ki,bu barədə RİA Novosti-yə Pentaqon məlumat verib.

ABŞ ordusunun sözçüsü agentliyə bildirib ki, "əlan etmək üçün əlavə səyahət planımız yoxdur".

Agentliyin həmsöhbəti onu da təsdiqləyib ki, Pentaqon rəhbəri Ukrayna üzrə təmas qrupunun yanvarın 9-da keçiriləcək sonuncu iclasında iştirak etmək üçün şəxsən Almaniyaya səfər edəcək.

Ramstein formatı kimi tanınan Ukrayna Müdafiə Əlaqə Qrupu Rusiya ilə münaqişədə Kiyevə hərbi yardım göstərən beynəlxalq koalisiyadır. Qrupun işində 50-dən çox ölkə iştirak edir - bütün NATO üzv ölkələri, əksər Aİ dövlətləri və Afrika və Asiyadan olan müttəfiqlər.

Pentaqon həmçinin aydınlaşdırıb ki, Ukraynaya dəstək üçün təmas qrupu yanvarın 9-da respublika silahlı qüvvələrinin 2027-ci ilə qədər havada, quruda və dənizdə hərbi ehtiyaclarını təsdiq edəcək.

Öz növbəsində Polşa Müdafiə Nazirliyinin rəhbəri Vladislav Kosiniyak-Kamış bildirib ki, Almaniyanın Ramşteyn aviabazasında Ukraynaya silah tədarükünün koordinasiyası üzrə Qərb ölkələri qrupunun bu 25-ci görüşü hazırkı administrasiya üçün sonuncu ola bilər. 

Digər məsələlərlə yanaşı, yanvarın 9-da Ramşteyn görüşündə NATO-nun baş katibi Mark Ruttenin də iştirak edəcəyi məlum olub.

Bundan əvvəl ABŞ Vaşinqtonun köməyi olmadan Ukraynanın nə qədər davam edəcəyini açıqlamışdı.

Nigar