Biznesmen Pavel Durov Telegram kanalında qeyd edib ki, o, təsis etdiyi messencerin söz azadlığının siyasi cəhətdən təhlükəsiz olmasından çox əvvəl onu dəstəkləməsi ilə fəxr edir.

Oxu24.com xəbər verir ki, Durov şirkətin dəyərlərinin ABŞ-dakı seçki dövrlərindən asılı olmadığını bildirib.

“Bu gün digər platformalar daha az senzuraya malik olacaqlarını deyirlər. Lakin onların yeni dəyərlərinin əsl sınağı siyasi küləklər yenidən dəyişdikdə gələcək. Heç nəyi riskə atmayanda nəyisə dəstəklədiyini söyləmək asandır”, - Durov ingiliscə yazıb.

Bundan bir qədər əvvəl Bleeping Computer yazıb ki, Telegram messenceri hökumətin 900 sorğusuna cavab olaraq 2253 istifadəçinin məlumatlarını ABŞ hüquq-mühafizə orqanlarına təhvil verib. Əvvəlki illərlə müqayisədə əhəmiyyətli artımın 2024-cü ilin sentyabrında açıqlanan istifadəçi məlumatlarının təmin edilməsi ilə bağlı Telegram siyasətində dəyişiklikdən sonra baş verdiyi bildirib.

Dekabrın 31-də Durov Avropa İttifaqında Rusiyanın bəzi Telegram xəbər kanallarına girişin bloklandığını açıqlayıb. Eyni zamanda o vurğulayıb ki, rusiyalı istifadəçilər hələ də Telegram-da təqdim olunan bütün Qərb media kanallarına pulsuz çıxış əldə edirlər.

Daha əvvəl Mask Telegram-ın uğurları fonunda Durovu tərifləmişdi.

Nigar