Ukrayna yeni ildən Rusiya qazının tranzitini dayandıracaq

Ukraynanın baş naziri Denis Şmıqal Ali Radada çıxışı zamanı bildirib ki, beşillik müqavilənin müddəti başa çatdığı üçün Kiyev 2025-ci il yanvarın 1-də yerli vaxtla səhər saat 07:00-dan (Moskva vaxtı ilə 08:00) Rusiya qazının tranzitini dayandıracaq.

Oxu24.com xəbər verir  ki, bu barədə Strana.ua məlumat yayıb.

 

Onun sözlərinə görə, saat 07:00-da tranzit “bu müqavilənin başa çatması ilə əlaqədar fiziki olaraq bloklanacaq”.

Şmıqal qeyd edib ki, tranzit Avropa Komissiyasının (AK) tələbi ilə və Rusiya qazı olmamaq şərti ilə bərpa oluna bilər.

Dekabrın 20-də Slovakiyanın baş naziri Robert Fiko Ukrayna prezidenti Vladimir Zelenskiyə xəbərdarlıq edib ki, Kiyev qazın Ukrayna ərazisindən Avropaya tranzitinə icazə verməsə, ciddi münaqişə yarana bilər. O xatırladıb ki, Bratislava Kiyevə yardım edir və Ukraynanın Slovakiyaya eyni münasibətinə ümid edir. Hökumət başçısı əlavə edib ki, dəstək birtərəfli yox, qarşılıqlı olmalıdır.

Fiko daha əvvəl Avropanı “quru qaz kəmərləri”nə qarşı xəbərdar etmiş və rusları bəyəndiyini etiraf etmişdi.

 

Nigar