Almaniya kansleri Olaf Şolts ABŞ-ın yeni seçilmiş prezidenti Donald Trampla telefon danışığı aparıb.

Oxu24.com Modern.az-a istinadən xəbər verir ki, bu barədə jurnalistlərə Almaniya federal hökumətinin nümayəndəsi Şteffen Gebeşrayt bildirib.

Tramp və Şolts arasında söhbət, qeyd edildiyi kimi, “Avropada təhlükəsizlik siyasətinin çağırışlarına” həsr olunub.

“Tərəflər Rusiyanın Ukraynaya qarşı müharibəsinin çox uzun müddətdir davam etdiyi və mümkün qədər tez vicdanlı, ədalətli və davamlı sülhə aparan yol tapmağın vacib olduğu barədə razılığa gəliblər”, - Gebeşrayt əlavə edib.

Bu arada Şolts təsdiqləyib ki, Almaniya “lazım olduğu qədər” Rusiya təcavüzündən müdafiədə Ukraynanı dəstəkləməyə davam edəcək.