Rusiya Suriyada ümumilikdə öz məqsədlərinə nail olub.

Oxu24.com xəbər verir  ki, bu barədə Rusiya Federasiyasının prezidenti Amerikanın NBC telekanalının jurnalistinin sualını cavablandırarkən birbaşa xətt zamanı bildirib.

“Onlar Suriyadakı vəziyyəti Rusiya Federasiyasının məğlubiyyəti kimi təqdim etmək istəyirlər. Bu səhvdir. Biz Suriyaya gəldik ki, orada Əfqanıstandakı kimi terror anklavı yaranmasın. Bütövlükdə məqsədimizə nail olduq”, - Rusiya lideri bildirib.

Dövlət başçısı əlavə edib ki, hətta prezident Bəşər Əsəd hökuməti ilə vuruşan qruplar da dəyişikliklərə məruz qalıb.

“Əbəs yerə deyil ki, bir çox ölkələr onlarla əlaqələr qurmaq istəyir. Bu o deməkdir ki, müəyyən dərəcədə məqsədə nail olunub”, - Putin bildirib.

Dekabrın 8-də ABŞ və Türkiyənin dəstəklədiyi Azad Suriya Ordusunun komandanlığı Bəşər Əsədin hakimiyyətinin “bitdiyini” elan etdi. Rusiya Xarici İşlər Nazirliyi Əsədin dövlət başçısı postunu tərk etmək qərarına gəldiyini və “hakimiyyətin sülh yolu ilə ötürülməsi üçün göstərişlər verərək” Suriyanı tərk etdiyini bildirib. Daha sonra TASS-ın Kremldəki mənbəsi bildirib ki, Əsəd ailə üzvləri ilə birlikdə Moskvaya gəlib, Rusiya onlara “humanitar səbəblərə görə” sığınacaq verib.

Dekabrın 19-da Putin birləşmiş mətbuat konfransı və birbaşa xətt formatında ili yekunlaşdırır. Tədbirin moderatorları Birinci Kanalın hərbi müxbiri Dmitri Kulko və “Rossiya 24” telekanalının aparıcısı Aleksandra Suvorovadır. Gazeta.Ru onlayn yayımlayır.

Nigar