Bayden Gürcüstanın qərarından məyusdur

ABŞ xarici agentlər haqqında qanunun qəbulu ilə əlaqədar Gürcüstan hökumətinin “antidemokratik hərəkətlərindən” məyusdur.

Oxu24.com  xəbər verir ki, bu barədə Amerika lideri Co Bayden Cənubi Osetiyada hərbi əməliyyatların başlanmasının 16-cı ildönümü münasibətilə Gürcüstan prezidenti Salome Zurabişviliyə məktubunda yazıb.

“Gürcüstan hökumətinin antidemokratik hərəkətləri və xüsusən də xarici agentlər haqqında qanunun qəbulu məni məyus etdi. Bundan əlavə, Gürcüstan rəsmilərinin Avropa İttifaqına (Aİ) və NATO-ya üzvlük standartlarına qətiyyən uyğun gəlməyən canlı bəyanatlar var”, - Bayden qeyd edib.

Eyni zamanda, ABŞ prezidenti əlavə edib ki, Vaşinqton Tbilisinin Avro-Atlantik inteqrasiyasına sadiqdir, həmçinin sülh, sabitlik, azadlıq və insan haqlarını əhatə edən “ümumi dəyərləri” müdafiə edir.

İyunun 3-də Gürcüstan parlamentinin sədri Şalva Papuaşvili xarici agentlər haqqında qanunu imzalayıb. O bildirib ki, qanun ölkənin siyasi, iqtisadi və sosial vəziyyətini kənar müdaxilələrə qarşı gücləndirməyə yönəlib. İyulun 31-də ABŞ dövlət katibi Antoni Blinken bildirib ki, Vaşinqton bu sənədin imzalanması ilə əlaqədar Gürcüstana yardımı dayandırmaq qərarına gəlib.

 

Miri