İsrail ordusu Qəzza zolağının cənubunda əməliyyata başlayıb

İsrail Müdafiə Qüvvələri (IDF) Qəzza zolağının cənubundakı Xan Yunis şəhərində əməliyyata başladığını elan edib.

 

Oxu24.com xəbər verir  ki,Ordunun mətbuat xidməti bu barədə İsrail Müdafiə Qüvvələrinin Telegram kanalında məlumat yayıb.

 

Mətbuat xidmətinin məlumatına görə, əməliyyata ərazidə “terrorçuların və terror infrastrukturunun” olması barədə kəşfiyyat məlumatı daxil olduqdan sonra başlanılıb.

 

“98-ci diviziya hazırda Xan Yunis ərazisində terrorçu hədəflərə qarşı əməliyyat aparır, silahları və terror infrastrukturunu müəyyən edib sökür”, - deyə mətbuat xidmətinin açıqlamasında bildirilir.

 

İsrail ordusu Qəzza zolağının mərkəzində əməliyyatların davam etdiyini bildirib. İsrail ordusu “həm yerin üstündə, həm də aşağıda” döyüşür, bundan əlavə, İsrail Hərbi Hava Qüvvələri artıq Fələstin HƏMAS hərəkatının 30-dan çox hədəfinə, o cümlədən silah anbarlarına zərbələr endirib.

 

Oktyabrın 7-də Qəzza zolağından minlərlə Həmas yaraqlısının İsrailə sızmasından sonra Yaxın Şərqdə vəziyyət gərginləşib. İki yüzdən çox girov əsir götürüldü.

 

Bu yaxınlarda İsrailin Suriyanın mərkəzindəki hərbi mövqelərə endirdiyi zərbə nəticəsində Suriya ordusunun 4 əsgərinin yaralandığı bildirilmişdi.

Bundan əvvəl İsrailin Qəzza ilə bağlı danışıqlara nümayəndə heyəti göndərəcəyi məlum olub.

 

Miri