Yapon ifrat sağçıları Rusiya səfirliyi qarşısında aksiya keçirib

Rusiyanın Yaponiyadakı səfirliyi yaxınlığında ifrat sağçı fəalların mitinqi keçirilib.

Oxu24.com xəbər verir  ki, bu, 1945-ci il avqustun 9-da SSRİ-nin Yaponiya ilə müharibəyə girməsinin ildönümünə təsadüf edirdi.

Tokio polisi etirazçıların birbaşa Rusiya diplomatik missiyasına yaxınlaşmasına mane olaraq kordon qurdu. Fəalların özləri anti-Rusiya şüarları səsləndirərək Rusiya Federasiyasından “şimal ərazilərini” (Yaponiyada Kuril adaları belə adlandırılır) qaytarmağı tələb ediblər.

Bu barədə TASS məlumat yayıb.

İfrat sağçı fəallar səsgücləndiricili avtomobillərdən istifadə ediblər. Polis əməkdaşları mitinqə yaxın olan Rusiya vətəndaşlarından diqqətli olmalarını və etirazçılara yaxınlaşmamalarını xahiş ediblər.

Bildirilir ki, fəallar səfirliyə ən yaxın küçəyə üç nəfərdən ibarət qruplar şəklində səsgücləndiricisiz buraxılıblar. Onlara ancaq pankart açmağa icazə verilirdi. Etirazçılardan biri öz tələblərini əks etdirən petisiyanı vermək üçün səfirliyin binasına yaxınlaşıb. Bütün bu müddət ərzində onları polis dəstəsi müşayiət edirdi.

İfrat sağçı yapon fəalları ənənəvi olaraq SSRİ-nin müharibəyə girməsinin ildönümündə və Şimal Əraziləri Günündə oxşar aksiyalar keçirirlər. Sonuncu 1981-ci ildən bəri hər il fevralın 7-də 1855-ci ildə Yaponiya və Rusiya İmperiyası arasında imzalanmış Ticarət və Sərhədlər üzrə Şimoda Müqaviləsini xatırlamaq üçün qeyd olunur. Sənədə əsasən, İturup, Kunaşir, Şikotan adaları və Habomai adalar qrupu Yaponiyaya keçib, Kuril silsiləsində qalan adalar Rusiya kimi tanınıb.

 

Nigar