Rusiya ilə Hindistan arasında ticarət dövriyyəsi rekord səviyyədə artıb

Baharın son ayında Hindistan bazarına Rusiya məhsullarının tədarükü illik müqayisədə 18% artaraq 7,1 milyard dollara çatıb.

 

Oxu24.com  xəbər verir  ki, bu barədə RİA Novosti Asiya ölkəsinin Ticarət və Sənaye Nazirliyinin məlumatlarına istinadən yazır.

 

Əvvəlki maksimum 2024-cü ilin martında qeydə alınıb və 6,3 milyard dollar təşkil edib.

 

Ümumilikdə, ilk beş ayın nəticələrinə görə, Rusiya ilə Hindistan arasında ticarətin həcmi 12% artaraq 30,7 milyard dollara çatıb ki, bu da bütün 2023-cü il üçün bu iki ölkənin ticarət dövriyyəsinin 48%-nə bərabərdir.

 

Bir gün əvvəl Hindistanın Sənaye və Ticarət Nazirliyi ölkəsinin Rusiya bazarına öz məhsullarının tədarükünü artırmaq üçün yollar axtardığını bildirmişdi. Müxtəlif məhsul qrupları nəzərdən keçirilir. Onların arasında elektronika da var.

 

Bundan əvvəl Hindistanın Rusiyadan neft alışından iki il ərzində nə qədər qənaət etdiyi məlum olub.

 

Miri