Almaniya kansleri Olaf Şolz böyük alman silah şirkəti Rheinmetall-ın baş direktoru Armin Pappergerə qarşı sui-qəsdin qarşısının alınması ilə bağlı mətbuatda yayılan xəbərləri şərh etməyib.

Oxu24.com xəbər verir  ki,bu barədə Reuters  məlumat yayıb.

"Rheinmetall-ın baş direktoruna sui-qəsd planı barədə məlumat verməyəcəyəm",deyə  Şolz  bildirib.

İyulun 11-də CNN telekanalı Amerika və Almaniyanın xüsusi xidmət orqanlarının Rheinmetall şirkətinin baş direktoruna Rusiya tərəfindən planlaşdırılan sui-qəsdin qarşısını aldığını bildirib.

İyulun 12-də Kremlin sözçüsü Dmitri Peskov brifinqdə deyib ki, CNN-in məlumatında “heç bir ciddi arqument” yoxdur və “bəzi anonim mənbələrə” əsaslanır.

Onun sözlərinə görə, bütün bunlar “daha ​​bir saxtakarlıq” üslubunda təqdim olunur, ona görə də bu bəyanatı ciddi qəbul etmək olmaz.

Bundan əvvəl Rheinmetall-ın rəhbəri qarşısı alınmış sui-qəsdlə bağlı məlumatdan sonra özünü xoşbəxt adam adlandırmışdı.

Nigar