Kanada, ABŞ və Finlandiya Rusiya və Çinə qarşı birləşir

Kanada, ABŞ və Finlandiya NATO-nun Vaşinqtonda keçirilən sammitində Buz Paktı bağladıqlarını elan etdilər.

 

“The Guardian” yazır ki, üç ölkə regionda Rusiya və Çinin təsirinə qarşı çıxmaq üçün yaxın illərdə 90-a qədər buzqıran gəmi tikmək qərarına gəlib.

Kanadanın Baş naziri Castin Trüdonun dediyi kimi, tərəfdaşlar qütb və Arktika ərazilərini “dinc və firavan” etmək istəyirlər.

 

Buna görə də, növbəti altı ay ərzində müttəfiqlər və tərəfdaşlar üçün kritik gəmilərin tikintisi üçün birgə əməkdaşlıq planı hazırlanacaq. Əməkdaşlıq proqramı çərçivəsində Kanada Vankuverdə iki gəmi və Kvebekdəki tərsanələrdə altı buzqıran gəmidən ibarət donanma tikəcək.

 

Qəzet yazır ki, Arktikada sürətlə dəyişən iqlim şəraitində Rusiya və Çin həm ticarət, həm də hərbi məqsədlər üçün yeni qütb marşrutlarına maraq göstəriblər. Moskva və Pekin Arktikada əməkdaşlıq haqqında saziş imzalayıb.

 

Rusiya hazırda 40 gəmidən ibarət ən böyük Arktika donanmasına malikdir. Bu, NATO ölkələrinin ehtiyatlı olmasına səbəb olub.

 

Miri