Litva döyüş sursatları və pilotsuz uçuş aparatları Ukraynaya çatdırılıb

İyulun 11-də Litvadan dron əleyhinə sistemlər və mərmilər Ukraynaya gətirilib.

 

Oxu24.com  xəbər verir  ki, bu barədə Baltik Respublikasının Müdafiə Nazirliyi X sosial şəbəkəsində məlumat yayıb.

 

Qeyd olunur ki, Ukrayna ordusu 5,56x45 mm ölçülü mərmilər, həmçinin qatlanan çarpayılar, isti geyim dəstləri, generatorlar və daha çox şey alıb və bunların hamısı Ukrayna Silahlı Qüvvələrinin Baş Qərargahına çatdırılıb.

 

Nazirliyin bəyanatında həmçinin bildirilir ki, Litvanın Ukraynaya verdiyi yardımın ümumi məbləği 1 milyard avroya çatıb, hərbi yardımın məbləği isə 641 milyon avro təşkil edir.

 

İyunun əvvəlində Litvanın xarici işlər naziri Qabrielius Landsberqis demişdi ki, bir il geriyə baxsaq, Ukrayna bu gün əvvəlkindən daha pis vəziyyətdədir - Qərbdə çoxlu güclü çıxışlar edilməsinə baxmayaraq.

 

İyunun 27-də Ukrayna Estoniya və Litva ilə ikitərəfli təhlükəsizlik sazişləri imzalayıb.

 

Miri