Orban NATO sammitində Baydendən qaçdı

Macarıstanın baş naziri Viktor Orban NATO-nun Vaşinqtonda keçirilən sammitində ABŞ prezidenti Co Baydenlə ikitərəfli görüş tələb etməyib, o, faktiki olaraq tədbirdə Amerika liderindən “qaçıb”.

 

Oxu24.com xəbər verir  ki, bu barədə Britaniyanın “The Guardian” qəzeti yazır.

 

“(Orban – redaktorun qeydi) NATO-nun bu həftəki sammitində Co Baydendən faktiki olaraq yayındı və ABŞ prezidenti ilə ikitərəfli görüş tələb etməyib”, - nəşr yazır.

 

Macarıstan Nazirlər Kabinetinin rəhbəri keçmiş Amerika lideri Donald Trampın yenidən prezident seçilməsinə ümid etməklə, Ukrayna münaqişəsinin nizamlanmasına nail olmağa çalışır.

 

Bundan əvvəl Orbanın Vaşinqtonda NATO sammitindən sonra Floridadakı Mar-a-Laqo malikanəsində Trampla görüşməyi planlaşdırdığı bildirilirdi.

 

Orbanın səfəri bir sıra xaricə səfərlərdən, o cümlədən Moskvada Rusiya prezidenti Vladimir Putinlə və Kiyevdə Ukrayna prezidenti Vladimir Zelenski ilə görüşlərdən sonraya təsadüf edir.

 

Bundan əvvəl Orban NATO hədəflərinin dəyişdirilməsindən danışıb.

 

Nigar