Peskov Rusiyanın nüvə doktrinasını dəyişmək planlarını açıqlayıb

Rusiyalı ekspertlər NATO-ya üzv ölkələrin Moskvaya qarşı təxribatçı hərəkətləri səbəbindən ölkənin nüvə doktrinasında konkret dəyişikliklərin edilməsini fəal şəkildə müzakirə edirlər.

Oxu24.com  xəbər verir ki, bu barədə jurnalistlərə Rusiya prezidentinin mətbuat katibi Dmitri Peskov məlumat verib.

“Nüvə doktrinası üzərində iş gedir, həqiqətən də [mütəxəssislər arasında] müzakirələr gedir”, o, ölkənin doktrinasının dəyişdirilməsinin mümkün olub-olmaması sualına cavab verib.

Eyni zamanda, Peskov əmin olduğunu bildirib ki, Rusiya NATO-nun üzvü olan dövlətlərin “çox güclü ittifaqı” ilə məşğul olduğundan, bu cür addımların atılması zəruridir.

“Onlar bizə qarşı düşmənçilik siyasəti yürüdürlər və bunu gizlətmirlər”, - deyə Kreml sözçüsü yekunlaşdırıb.

İyulun 6-da Rusiya xarici işlər nazirinin müavini Sergey Ryabkovun “International Affairs” jurnalı üçün müsahibəsi dərc olunub. Orada diplomat etiraf edib ki, eskalasiya zamanı hərbi doktrinanın nüvə komponentinin dəqiqləşdirilməsi tez baş verəcək, yalnız “konseptual əlavələr və düzəlişlər” etmək lazım gələcək.

Nigar