Gürcüstan Qərblə münasibətləri “yenidən qurmağa” hazırdır

Avropa İttifaqı və ABŞ-ın Gürcüstana hərbi yardımı dayandırmaq qərarı ölkə hakimiyyətinin gözləntilərini doğrultmur və “əks-məhsuldardır”.

 

Oxu24.com  xəbər verir  ki, bunu bu gün Gürcüstanın baş naziri İrakli Kobaxidze deyib.

“Bu qərar təəssüf doğurur, çünki münasibətlərin yenidən qurulması ilə bağlı gözləntilərimizə cavab vermir... Son dörd ildə baş verən siyasi hadisələrin fonunda bu münasibətlərin yenidən qurulmasına həqiqətən ehtiyac var. Gürcüstan tərəfi buna hazırdır - hökumətimiz, dövlətimiz və biz növbəti addımları gözləyirik. Təbii ki, bu cür qərarlar münasibətlərin bərpası baxımından əks effekt verir”, - deyə “Novosti-Georgia” portalı Kobaxidzedən sitat gətirir.

 

Gürcüstanın baş naziri əlavə edib ki, o, Qərbdən “praqmatik, rasional, düzgün və ədalətli addımlar” görəcəyinə ümid edir.

 

Ötən həftə ABŞ “Layiqli tərəfdaş 2024” gürcü-amerikan hərbi təlimlərini ləğv etdiyini elan etdi. Aİ Gürcüstanın Müdafiə Nazirliyinə 30 milyon avronun ayrılmasını dondurmağı planlaşdırır. Bu qərar hakim “Gürcü arzusu” partiyası tərəfindən “xarici agentlər” haqqında yeni qanunun qəbulundan sonra verilib. O, Qərb tərəfindən maliyyələşdirilən QHT-ləri və medianı hədəf alır. Hökumət tənqidçiləri və ekspertlər deyirlər ki, bu təşəbbüs Rusiyada müxalifəti əzmək və vətəndaş cəmiyyətini sıxışdırmaq üçün istifadə olunan qaydalarla səsləşir.

Miri