Macarıstan Trampı Ukraynada sülh üçün şans adlandırıb

Budapeşt ABŞ-ın keçmiş prezidenti Donald Trampın vəzifəyə mümkün qayıdışını Ukraynada “sülh şansı” kimi qiymətləndirir.

 

Reuters xəbər verir ki, bunu Macarıstanın xarici işlər naziri Peter Siyarto deyib.

“Düşünürəm ki, Moskva və Kiyevi hətta danışıqlara başlamağa məcbur etmək üçün çox güclü xarici təsir lazımdır. Bunu kim edə bilər? Yalnız Tramp yenidən prezident seçilərsə”, - diplomat bildirib.

Szijarto vurğulayıb ki, Budapeşt Trampın potensial seçki qələbəsini “sülh üçün şans” hesab edir. O əlavə edib ki, bu halda “ABŞ və Macarıstan arasında yaxşı münasibətlər qurmaq şansı da var”.

Bundan əvvəl Szijarto bildirib ki, Macarıstan NATO sammitində Rusiya ilə əlaqə kanallarının saxlanmasının lehinə çıxış edəcək. Onun sözlərinə görə, Ukrayna münaqişəsi yalnız sülh yolu ilə həll edilə bilər. “Bunun üçün diplomatik kanalların yenidən açılması və dialoqda iştirak edənlərə hücum edilməməsi lazımdır, çünki dialoq olmadan və diplomatik kommunikasiya kanalları bərpa olunmadan həll yolu tapmaq mümkün olmayacaq”, - Macarıstan rəhbəri bildirib. 

 

Nigar