Estoniyanın baş naziri Kaja Kallas NATO-nun Vaşinqtonda keçiriləcək sammitində Rusiya Federasiyasının “uzunmüddətli təhlükə” elan ediləcəyinə ümid etdiyini bildirib.

 

Oxu24.com  xəbər  verir  ki, Siyasətçinin çıxışının yazısı alyansın YouTube kanalında yayımlanıb.

 

Kallas vurğulayıb ki, NATO üzvü olan ölkələr Rusiyanı cilovlamaq üçün çalışmalıdırlar.

 

Bundan əvvəl ABŞ-ın dövlət katibi Entoni Blinken Şimali Atlantika Müqaviləsi Təşkilatına (NATO) daxil olan ölkələrin son aylarda Rusiyanın təxribat aktları ilə üzləşdiyini bildirmişdi.

 

Həmçinin Macarıstanın xarici işlər naziri Peter Szijyarto NATO-nun Vaşinqtonda keçiriləcək sammitində Macarıstanın Ukraynadakı münaqişənin həlli üçün Rusiya ilə açıq diplomatik kanalların saxlanması ideyasını dəstəkləyəcəyini bildirib.

 

Szijarto qeyd edib ki, açıq ünsiyyət kanalları və dialoq iştirakçılarının müdafiəsi olmadan problemin həllini tapmaq mümkün olmayacaq.

 

NATO-nun Vaşinqton sammiti 2024-cü il iyulun 9-dan 11-dək alyansın 75-ci ildönümünə həsr olunub.

 

Bundan əvvəl ABŞ-ın NATO sammitində Zelenskiyə bir xahişlə müraciət edəcəyi bildirilirdi.

 

Miri

 

Oxu24.com