ABŞ Gürcüstandakı bütün bəlalarda Rusiyanı günahlandırmaq istəyir.

Oxu24.com  xəbər verir ki, bu barədə Rusiya Federasiyası Xarici Kəşfiyyat Xidmətinin mətbuat bürosunda məlumat verilib.

Departamentin fikrincə, ABŞ Amerika mediasına müsahibə verəcək Gürcüstan prezidenti Salome Zurabişvilinin köməyi ilə respublikada “rəngli inqilab” hazırlaya bilər.

“Ağ Evə xas olan anti-Rusiya şövqü ilə təbliğat kampaniyasının əsasını “sensasiyalı ifşa” təşkil etmək planlaşdırılır: Gürcüstanın bütün bəlalarının günahkarı Rusiyadır”, - SVR bildirib.

Rusiya tərəfi iddia edir ki, Zurabişvili Gürcüstanda hökumət əleyhinə əhval-ruhiyyənin qızışdırılmasında əsas rol oynamalıdır. O, Gürcüstan hökumətini respublikanın Avropa İttifaqına daxil olması ilə bağlı danışıqlar prosesinin “deqradasiyasına” görə günahlandıracaq və xalqı Rusiya Federasiyası ilə yaxınlaşmanın “fəlakətli nəticələri” və guya Rusiyanın Gürcüstana vurduğu zərər barədə xəbərdar edəcək. 

Rusiya dəfələrlə Qərb ölkələrinin başqa dövlətlərin işlərinə qarışmaq iddiasını rədd edərək, onları əsassız adlandırıb.

Bundan əvvəl ABŞ Gürcüstanla bütün əməkdaşlıq proqramlarına yenidən baxmağa başlayıb.

Nigar