USAID rəhbəri Ermənistana səfər edəcək

ABŞ Beynəlxalq İnkişaf Agentliyinin (USAİD) rəhbəri Samanta Pauer iyulun 8-11-də Ermənistana səfər edəcək.

 

Oxu24.com xəbər  verir  ki,  ABŞ-ın Yerevandakı səfirliyi məlumat yayıb. Bildirilir ki, səfər zamanı o, USAİD-in ölkədə aparılan islahatlara dəstəyini təsdiq edəcək.

 

Səfər zamanı Pauer Ermənistanın yüksək rütbəli hökumət rəsmiləri, biznes ictimaiyyətinin rəhbərləri, gənclər və media nümayəndələri ilə görüşəcək.

 

Amerika Birləşmiş Ştatlarının Beynəlxalq İnkişaf Agentliyi (USAID) Amerika Birləşmiş Ştatlarının “xaricdə yardımın göstərilməsi” sahəsində ən yüksək federal hökumət qurumudur. Agentliyin Administratoru və onun müavini Senatın razılığı ilə Prezident tərəfindən təyin edilir və ABŞ Dövlət Katibi ilə razılaşdırılaraq fəaliyyət göstərir.

 

Miri