Litva Avropa Komissiyasından onu Rusiyadan qorumağı xahiş edir

Litva Avropa Komissiyasından (AK) həm də Avropa İttifaqının xarici sərhədi olan Rusiya Federasiyası ilə sərhədin möhkəmləndirilməsi üçün vəsait ayırmağı xahiş edib.

 

Oxu24.com xəbər verir ki, bu barədə respublikanın Daxili İşlər Nazirliyi məlumat yayıb.

"Rusiya ilə 275 km sərhədin gücləndirilməsi bizim prioritetimizdir. Sərhədin monitorinqi üçün infrastrukturun əksəriyyətinin modernləşdirilməsinə ehtiyac var", - deyə departamentin rəhbəri Agne Bilotaite bildirib. 

 

Vilnüs Avropa Komissiyasından 13,7 milyon avro alacağını gözləyir. 2030-cu ilə qədər olan dövr üçün sərhəd nəzarəti sistemlərinin yenilənməsi xərcləri də hesablanıb. Bu, 65 milyon avro təşkil edəcək: "Biz bu mühüm məsələnin həllində Avropa Komissiyasının gələcək köməyinə ümid edirik", - Bilotaite qeyd edib.

 

2023-cü ildə Aİ Litvaya 9,3 milyon avro göndərdi.

 

Nigar