Əsədin müşaviri yol qəzasından sonra ölüb

Suriya prezidenti Bəşər Əsədin müşaviri Luna əl-Şibl yol qəzasında aldığı xəsarətlərdən dünyasını dəyişib.

 

Bu barədə prezident aparatından məlumat verilib.

Qəza iyulun 2-də paytaxt Dəməşqə gedən yolda baş verib. Əl-Şiblin olduğu avtomobil yoldan çıxıb. Qadın reanimasiyaya aparılsa da, həkimlər onun həyatını xilas edə bilməyiblər. O, beyin qanaması keçirib.

Bəzi Suriya mediası yazır ki, qəza qəsdən ola bilərdi, guya zirehli avtomobil əl-Şiblinin maşınına çırpılıb.

Luna əl-Şiblin 49 yaşı var idi. O, əvvəllər Qətərin “Əl-Cəzirə Şəbəkəsi” telekanalında işləyib, sonra Suriyaya qayıdıb, rütbələri yüksəlib və Əsədin mətbuat katibi və müşaviri olub.

 

Miri