İran Rusiya ilə hərbi-texniki əməkdaşlığa heç bir maneə görmür

İran və Rusiya arasında hərbi və ticari əməkdaşlıq sahəsində əməliyyatlara heç bir maneə yoxdur.

Oxu24.com xəbər verir ki, bunu İranın Ali Rəhbərinin müşaviri və ölkənin Beynəlxalq Əlaqələr üzrə Strateji Şurasının rəhbəri Kamal Xərrazi “Financial Times” qəzetinə müsahibəsində deyib.

 

"İran və Rusiya Federasiyası arasında silah müqavilələri üçün heç bir maneə yoxdur",-deyə o bildirib.

 

Xərrazinin sözlərinə görə, İran tərəfi Rusiya qırıcılarının alınması ilə bağlı danışıqlar aparır.

 

"Biz yaxın gələcəkdə Rusiya Federasiyası ilə hərtərəfli strateji saziş imzalamalıyıq",-deyə o bildirib.

 

Bundan əlavə, İranın Ali Rəhbərinin müşaviri Rusiya Federasiyasına silah tədarükü ilə bağlı son ittihamları yalan adlandırıb.

 

2023-cü ildə İran Müdafiə Nazirliyi Rusiyadan Su-35 qırıcı təyyarələri aldığını elan edib.

 

Bundan əvvəl Rusiyanın İrandakı səfiri Aleksey Dedov bəyan etmişdi ki, Rusiya ilə İran arasında hərtərəfli əməkdaşlığa dair sazişin imzalanması prosesi “finiş xəttində”dir.

 

Nigar