Meksikanın cənubundakı Çiapas ştatında narkotik kartelləri arasında baş verən qarşıdurmada azı 20 nəfər ölüb.

OXU24.COM xəbər verir ki, bu barədə Meksika ştatının İctimai Təhlükəsizlik Nazirliyi məlumat yayıb. 

Qeyd olunur ki, Sinaloa kartelinin nümayəndələri ilə onun nüfuzuna meydan oxuyan yerli cinayətkar qrup arasında silahlı münaqişə iyunun 29-da Çiapas ştatının La Konkordiya bələdiyyəsində baş verib.

Məlumata görə, hadisə yerinə gələn hüquq-mühafizə orqanlarının əməkdaşları arxada 15 meyit olan pikap tapıblar.  Qurbanların hamısı güllə yarası alıb.  

İlkin istintaq məlumatlarına görə, silahlı toqquşma Sinaloa karteli ilə Çiapas və Qvatemala kartelləri arasında sərhəd ərazisinə nəzarət üçün qarşıdurmanın nəticəsi olub.