Fransada keçirilən növbədənkənar parlament seçkilərində rekord sayda seçici iştirak edib.

Oxu24.com xəbər verir ki,Respublikanın Daxili İşlər Nazirliyi müvafiq məlumatları təqdim edib.

O cümlədən, yerli vaxtla saat 17:00-a olan məlumata görə, seçici fəallığı 59,39% təşkil edib.

Bu, 2022-ci ildə keçirilən əvvəlki parlament seçkiləri ilə müqayisədə 20% çoxdur.

Marin Le Pen və Cordan Bardellanın Milli Ralli partiyası favorit hesab olunur.

Xatırladaq ki, bazar günü, iyunun 30-da Fransada parlamentin aşağı palatasına növbədənkənar seçkilər başlayıb. Bu, ölkə üçün tarixi bir an ola bilər. Səsvermə iki mərhələdə keçiriləcək. İkinci tur iyulun 7-nə təyin edilib.

İyunun 9-da Makron Milli Assambleyanın buraxıldığını elan edib və növbədənkənar seçkilərin tarixlərini təyin edib. Belə ki, Fransa lideri Avropa Parlamentinə seçkilərdə İntibah Partiyasının məğlubiyyətini etiraf edib. Bu fraksiya cəmi 15,4% səs toplayıb. Qeyd edək ki, Marin Le Penin Milli Ralli partiyası qələbəni qeyd edib. Bu vəziyyət Fransa hakimiyyəti üçün əsl şok oldu.

Nigar