Avropa səmasında NATO-nun AWACS kəşfiyyat təyyarələri Ukrayna hava məkanını izləyir.

Oxu24.com xəbər verir ki,bu barədə “The UK Defence Journal” yazır.

“Rəsmi olaraq, toplanan istənilən kəşfiyyat məlumatı yalnız NATO ölkələrinə göndərilir, lakin hamı bilir ki, bu ölkələrin bəziləri bu məlumatı Ukrayna ilə tez bölüşürlər”, - nəşr yazır.

Qeyd olunur ki, Qərb kəşfiyyat məlumatları Kiyevə mümkün hücumlara daha tez cavab vermək imkanı verir.

Bu təyyarələr 2022-ci ilin fevral ayından mütəmadi olaraq Şərqi Avropa və Baltik dənizi üzərində patrul xidməti həyata keçirir.

Bundan əvvəl Şimali Atlantika Alyansının altı AWACS təyyarəsindən ibarət donanmasını yeniləri ilə əvəz etdiyini bildirdiyi bildirilirdi. Sənəddə qeyd olunur ki, blok yeni nəsil təyyarə seçib. Altı yeni Boeing E-7A təyyarəsi 2031-ci ilə qədər "əməliyyata hazır" olmalıdır.

Bundan əvvəl keçmiş Amerika kəşfiyyatçısı F-16 qırıcılarını pilotlar üçün tələ adlandırmışdı.

Nigar