Filippinin cənubundakı Zamboanqa şəhərində atəşfəşanlıq anbarında baş verən güclü partlayış nəticəsində 5 nəfər ölüb, ən azı 20 nəfər yaralanıb.

Oxu24.com xəbər verir  ki, yerli hakimiyyət orqanları şənbə günü yerli vaxtla saat 16:00 radələrində baş verən partlayışın 1,14 kilometr ərazini əhatə etdiyini və anbar yaxınlığındakı evlərə və ticarət iş yerlərinə ziyan vurduğunu bildirib.

Partlayış bölgəsinə gedən Zamboanqa meri Con Dalipe jurnalistlərə açıqlamasında hadisə nəticəsində 5 nəfərin öldüyünü, xilasetmə qruplarının 20 nəfəri xəstəxanalara apardığını təsdiqləyib.

Şəhər Fəlakət Riskinin Azaldılması və İdarəetmə İdarəsi yaralanan 8 nəfərin vəziyyətinin ağır olduğunu bildirib.

Zamboanqa əyalətinin polis rəisi polkovnik Kimberli Molitas bildirib ki, qəzada ölənlər arasında bir uşaq da var.

Molitas jurnalistlərə bildirib ki, yanğınsöndürənlər və polis partlayışın səbəbini araşdırır.

Nigar