Belarus sərhədçiləri Ukrayna istiqamətindən uçan pilotsuz təyyarəni vurublar

Belarusda iyunun 26-da sərhədçilər ölkənin hava məkanını pozan Ukraynaya məxsus kvadrokopteri vurub.

 

Bu barədə respublikanın Dövlət Sərhəd Komitəsi məlumat yayıb.

 

Hadisə Qomel vilayətinin Yelski rayonunda baş verib.

 

“Pilotsuz uçuş aparatı dövlət sərhədindən 150 metr aralıda yerə enməyə məcbur edilib”, - deyə idarədən bildirilib.

 

Pilotsuz təyyarənin fleş-kartında onun sənaye obyektlərində və sərhəd infrastrukturunda kəşfiyyat apardığını göstərən videofayllar tapılıb.

 

Bu hadisə ərəfəsində, iyunun 25-də həmin istiqamətdə əldəqayırma partlayıcı qurğuların hazırlanması üçün komponentlərin olduğu anbar tapılıb. İçərisində iki kiloqram plastik partlayıcı olan konteynerlər, qoruyucularla işə salınan qoruyucular və onlar üçün detonatorlar olub.

 

Belarus sərhədçiləri artıq dövlət sərhədinin əlavə mühafizəsi, hava məkanına nəzarətin gücləndirilməsi və sərhəd bölgəsində rejimin tətbiqi üçün tədbirlər görür.

 

Miri