Mahaçqalada terror aktını törədən terrorçuların 5 qardaşı saxlanılıb

Mahaçqalada terror aktını törədən terrorçuların 5 qardaşı saxlanılıb.

 

Oxu24.com xəbər verir  ki,bu barədə “Rəsuldan soruş” Telegram kanalı məlumat yayıb.

 

İddia olunur ki, bunlar Osman Ömərovun qardaşlarıdır - onların hamısı inzibati xətaya görə həbs edilib.

 

Dağıstanın İctimai Nəzarət Komissiyasının sədri Şamil Xadulayev özünün Teleqram kanalında iddia edir ki, sovet məhkəməsi onlara “xırda xuliqanlıq” maddəsi ilə 10 gündən 13 günə qədər həbs verib.

 

Videoda terrorçunun qardaşları baş verənlərdən dərin təəssüf hissi keçirdiklərini, terror aktı qurbanlarının yaxınlarından üzr istədiklərini, Osman Ömərovun və onun əlaltılarının əməlini pislədiklərini bildiriblər.

Bundan əvvəl Dağıstanda törədilən terror aktları nəticəsində yaralanan 16 nəfərin Mahaçqaladakı iki tibb müəssisəsində qaldığı məlum olub.

İyunun 23-də Dağıstanın Dərbəndində bir neçə nəfər Lenin küçəsində yerləşən Müqəddəs Məryəm Şəfaət kilsəsinə və Tağı-Zadə küçəsindəki Kələ-Numaz sinaqoquna hücum edərək onları avtomatlardan atəşə tutub. Eyni zamanda yaraqlılar Mahaçqalada atəş açıblar. Ermoşkin küçəsində yol polisi postu və yaxınlıqdakı sinaqoq atəşə tutulub. Orconikidze küçəsindəki Müqəddəs Aspir kilsəsi yaxınlığında da atışma olub.

 

 

 

Nigar