Çinin WZ-7 kəşfiyyat pilotsuz təyyarəsi Koreya Respublikasının Hava Hücumundan Müdafiə Təsnifat Zonasına (KADIZ) daxil olduqdan sonra Koreya Respublikası döyüş təyyarələrini təqib edib.

Oxu24.com xəbər verir  ki, bu barədə “Korean Times” qəzeti Cənubi Koreya Baş Qərargah Rəislərinə istinadən məlumat yayıb.

“Ordumuz Çinin kəşfiyyat pilotsuz təyyarəsini hələ KADİZ-ə girməzdən əvvəl aşkar edib. Hərbi Hava Qüvvələri döyüş təyyarələrini yerləşdirib və lazımi tədbirləri görüb”, - komitənin açıqlamasında bildirilir.

Koreya Respublikası Silahlı Qüvvələrinin Qərargah Rəisləri Komitəsi də məlumat verib ki, iyunun 25-də Çinə məxsus pilotsuz uçan aparat Yodo Rokunun cənub-qərbindəki ərazidə Koreya Respublikasının hava hücumundan müdafiə identifikasiya zonasına daxil olub. Dron orada təxminən 50 dəqiqə uçuş edib.

Qəzet hərbçilər arasında olan mənbələrə istinadən bunun WZ-7 PUA olduğunu ehtimal edir.

Nəşrin müəllifi bildirib  ki, bu tip pilotsuz təyyarə kəşfiyyat üçün istifadə edilib.

Bunun Koreya Respublikası, ABŞ və Yaponiyanın Freedom Edge üçtərəfli təlimləri ərəfəsində edildiyi iddia edilir.

Bundan bir qədər əvvəl Seulun əsas hava limanı olan İnçon Beynəlxalq Hava Limanının beynəlxalq və daxili reyslərə uçuşları dayandırdığı bildirilir. Buna səbəb Koreya Xalq Demokratik Respublikasının göndərdiyi zibillə dolu şarlar olub.

Miri