Mahaçqalanın mərkəzində, Korkmasova küçəsində atışma baş verib.

OXU24.COM xəbər verir ki, bu barədə "Baza" "Telegram" kanalı məlumat yayıb.

Şahidlərin lentə aldıqları görüntülərdə silahlı təhlükəsizlik qüvvələrinin yoldan keçənlərdən dağılışmağı və ya gizlənməyi tələb etdiyi görünür. Silah səsləri eşidilir. Şəhərin mərkəzi yollarının bağlandığı bildirilir. Sakinlərdən evlərini tərk etməmələri xahiş olunur.

Yerli "Telegram" kanalları xəbər verir ki, Universitet meydanı yaxınlığındakı şəhərdə pulemyotlarla silahlanmış polis əməkdaşları ərazini mühasirəyə alıb və guya cinayətkarların tutulması üçün əməliyyat keçirirlər.