KTMT Dağıstanda törədilən terror aktlarını pisləyib

Kollektiv Təhlükəsizlik Müqaviləsi Təşkilatında (KTMT) müttəfiqlər Dağıstanda terrorçuların əməllərini kəskin şəkildə pisləyiblər.

 

Oxu24.com  xəbər verir ki, bunu KTMT-nin baş katibi İmanqali Tasmaqambetov deyib.

 

“Terrorçuların hərəkətlərini və məzhəblərarası ədavəti qızışdırmaq cəhdlərini qətiyyətlə pisləyirik” deyən o, bu cür cinayətlərə heç bir bəraət qazandıra bilməyəcəyini qeyd edib.

 

Tasmaqambetovun sözlərinə görə, KTMT Katibliyi Mahaçqala və Dərbənddə baş vermiş faciəli hadisələrlə bağlı xəbəri dərin ağrı hissi ilə qəbul edib.

 

Bundan əvvəl Dağıstanda baş verən terror aktları ilə əlaqədar Belarus prezidenti Aleksandr Lukaşenko Rusiya prezidenti Vladimir Putinə başsağlığı verib.

 

O, Belarus xalqı adından “dini saytlara edilən qeyri-insani hücumları” qətiyyətlə pisləyib və bildirib ki, onların məqsədi insanları qorxutmaq, çaxnaşma salmaq və dinlərarası sülh və harmoniyanı pozmaq cəhdidir. O, bütün xəsarət alanların tezliklə sağalmasını arzulayıb.

 

Bundan əvvəl BMT Dağıstandakı terror aktına görə məsuliyyət daşıyanların cəzalandırılmasını tələb edib.

 

Nigar