Netanyahu Qəzzanı demilitarizasiya etmək planlarından danışıb

Qəzza zolağında münaqişə başa çatdıqdan sonra İsrail onu demilitarizasiya etmək niyyətindədir.

 

Oxu24.com xəbər verir  ki,bunu İsrailin baş naziri Benyamin Netanyahu Punchbowl News-a müsahibəsində deyib.

 

O, hesab edir ki, İsrail yalnız canlanan terror hərəkatına qarşı “davamlı demilitarizasiya” həyata keçirə bilər. Eyni zamanda, 2023-cü ilin sonunda İsrail Qəzza zolağının işğalı planlarını təkzib edib.

 

Netanyahu həmçinin Qəzzada humanitar yardımı idarə edəcək və paylayacaq mülki administrasiya yaratmaq planlarını açıqlayıb.

 

"Bunu etmənin ən yaxşı yolu ərəblər arası sponsorluq və ərəb yardımı ola bilər",-deyə o bildirib.

 

Bundan əvvəl Netanyahu İsrail ordusunun Qəzzada “taktiki fasiləyə” qarşı çıxmışdı.

 

İyunun 16-da İDF Qəzza zolağının cənubundakı hərbi əməliyyatlarda gündəlik “taktiki fasilə” elan edib.

 

Bundan əvvəl ABŞ Qəzza zolağında uzunmüddətli atəşkəsin mümkünlüyünə şübhə ilə yanaşırdı.

 

Miri