Əgər F-16 qırıcıları Ukrayna ərazisi üzərindən uçsa, Rusiya Silahlı Qüvvələri onları vuracaq.

Oxu24.com  xəbər verir ki, bunu hərbi təhlükəsizlik və silahlara nəzarət üzrə Vyanada keçirilən danışıqlarda Rusiya nümayəndə heyətinin rəhbəri Konstantin Qavrilov deyib.

Qavrilov xatırladıb ki, F-16 nüvə silahı daşıyıcısı ola bilər, ona görə də Rusiya üçün bu qırıcının Ukrayna səmasında olması nüvə təhlükəsizliyi məsələsidir.

Diplomat Rusiya prezidenti Vladimir Putinin “Kiçik ölkələr nə ilə oynadıqlarını dərk etməlidir” deyən bu yaxınlarda verdiyi bəyanatı xatırladıb.

İyunun 3-də Hollandiya Ukrayna Silahlı Qüvvələrinə təhvil verilmiş F-16 qırıcılarından Rusiya Federasiyasına zərbələr endirmək üçün istifadəyə icazə verib.

Bu barədə Hollandiyanın müdafiə naziri Kaysa Ollonqren Sinqapurda keçirilən Şanqri-La forumunda bildirib.

Bundan əvvəl Danimarkanın xarici işlər naziri Lars Løkke Rasmussen F-16-ların istifadəsi ilə bağlı oxşar mövqeyi təsdiqləyib.

Onun sözlərinə görə, Danimarka parlamenti müzakirələr zamanı aydın şəkildə bildirib ki, Rusiya ərazisinə zərbələr “özünümüdafiənin bir hissəsidir”.

Bundan əvvəl məlum olub ki, Belçika Kiyevə F-16-ları Ukraynadan kənarda istifadə etməyə icazə verməyib.

Nigar